Mir hoffe, dir sit alli guet ins Johr 2012 gstartet. Für eus wird das es bsundrigs Johr wärde:

Miir dörfe 50 Johr Fasnachtsgsellschaft Aerdwybli Dürne fiire!

Am 5.5.1962 isch d Gründigsurkund unterschriibe worde und exakt 50 Johr spöter findet euses Jubiläumsfescht statt. Zuedäm wärde mer en zweitätige Jubiläumsbummel dörfe erläbe, wo di ganzi Fasnachtsgsellschaft zäme wird verbringe.

Speziell das Johr isch au, dass alli Gruppierige vo dr FGT s gliiche Kostüm wärde träge. Das hets no nie geh vorhär!

Mir als Guggä starte das Jubiläumsjohr mit 4 vorfasnächtliche Aläss (siehe Agenda), u.a. gönge mer das Johr wieder zu eusne Bärner Fründe uf Schliern und s erscht mol uf St. Galle. Alli Ufrtitt während dr Fasnacht sind ebefalls idr Agenda notiert!

Mer freue eus ufe spannendi und intensivi Ziit mit viele schöne Erläbnis und Iidrück!